I. Жалпы ережелер

1.Техникалық және кәсіптік білім берудің кәсіби оқу бағдарламасын жүзеге асыратын Алматы қаласы Білім басқармасының «Алматы сән және дизайн колледжі» КМҚК оқуға қабылдаудың типтік ережесі (бұдан әрі – білім беру ұйымы) Қазақстан Республикасының 2007 жылдың 27 маусымындағы  «Білім туралы» Заңы (бұдан әрі – заң), Қазақстан Республикасы Үкіметінің 2012 жылдың 19 қаңтарындағы №130 «Техникалық және кәсіптік білімнің білім беру бағдарламаларын іске асыратын білім беру ұйымдарына оқуға қабылдаудың үлгі қағидаларын бекіту туралы» Қаулысы, Қазақстан Республикасы Білім және ғылым Министрінің 2015 жылдың 14 сәуіріндегі №200 «Техникалық және кәсіптік білім беру саласында көрсетілетін мемлекеттік қызметтер стандарттарын бекіту туралы» Заңына сәйкес жасалды.

2.Білім беру ұйымына Қазақстан Республикасының азаматтары, шетел азаматтары және азаматтығы жоқ тұлғалар, негізгі орта (негізгі жалпы), жалпы орта (орта жалпы) және техникалық кәсіптік (орта кәсіптік) білімі бар адамдар оқуға қабылданады.

3. Білім беру ұйымына қабылданғанда Қазақстан Республикасы Үкіметінің 2012 жылдың 28 ақпанындағы №264  «Техникалық және кәсіптік, орта білімнен кейінгі және жоғары білімнің білім беру бағдарламаларын іске асыратын білім беру ұйымдарына оқуға түсу кезінде қабылдау квотасының мөлшерін бекіту туралы» Үкімінің негізінде мемлекеттік білім беру тапсырысында бекітілген қабылдау квотасы қарасатырылады:

1)  І,ІІ топ мүгедектері, кіші кезінен мүгедек, бала-мүгедектерге – пайыз;

2) жеңілдіктер мен кепілдіктер жағынан соғысқа қатысқандар мен соғыс мүгедектерінің қатарына жатқызылатындарға – 0,5 пайыз;

3) ауылдың әлеуметтік-экономикалық дамуына септігін тигізетін мамандықтарға қабылданған ауыл жастарына – 30 пайыз;

4)  Қазақстан Республикасының азаматтығы жоқ қазақ ұлтының өкілдеріне – 2 пайыз;

5)  жетім балаларға және ата-анасының қамқорынсыз қалған балаларға – 1 пайыз;

6) Қазақстан Республикасы үкіметі белгілеген аймақтарға орналасқан ауыл жастарына – 10 пайыз;

4.Орта білімнен кейінгі және кәсіптік білімі бар адамдарға оқуға түсу үшін тапсыратын емтиханның түрлерін білім беру ұйымы белгілейді.

 II. Қабылдау тәртібі

5.Колледжде оқуға қабылданушылардан өтініш қабылдау үшін, емтихандарды өткізуге және білім алушылар қатарына қабылдау жұмыстарын жүзеге асыру үшін білім беру ұйымының басшылығы жұмысын 1 маусымнан кешіктірмей бастайтын қабылдау комиссиясын құрады.

Қабылдау комиссияның құрамы төраға, жауапты хатшы мен комиссия мүшелерінен тұрады.

6.Қабылдау комиссиясы оқуға қабылданғаны туралы ақпаратты күндізгі оқу бөліміне 30 тамызда, ал сырттай оқу бөліміне 30 қыркүйекте ақпарттық тақтаға іледі немесе ғаламторда жариялайды.

7.Білім беру ұйымына жазылған өтініштерді қабылдау төмендегідей жүзеге асады:

1)  Орта буын мамандарын дайындайтын, техникалық және кәсіптік білім берудің оқу бағдарламасын жүзеге асыратын ұйымның күндізгі бөліміне білім алушыларды қабылдау 20 маусымнан 20 тамызға дейінгі аралықта жүзеге асады;

2) сырттай бөлімге 20 маусымнан 20 қыркүйекке дейін.

8.Білім беру ұйымына оқуға қабылдау туралы өтінішке білім туралы құжат, № 086-У формалы медициналық анықтама (флюорография, І,ІІ топтағы немесе кіші кезінен мүгедек балалар денсаулығындағы ақаулықты дәлелдейтін медициналық-әлеуметтік құжаттар), 3х4 сурет 6 дана қосымша тіркеледі. Оқуға түсуші талапкердің жеке басының куәлігі ана-анасы немесе заңды ұйымдардың өкілдерімен көрсетіледі.

Шетел азаматтары мен азаматтығы жоқ адамдар статусын анықтайтын тұрғылықты жеріне тіркелгені туралы  құжаты бар адамдарда мынадай құжаттар болу керек:

1) шетел адамы – Қазақстан Республикасында шетелдіктің тұруға ыхтиярхаты;

2) азаматтығы жоқ адамдар –  азаматтығы  жоқтығы туралы жеке құжаты;

3) босқын (қашқын) – босқындығы туралы куәлігі;

4) пана іздеген адамдар – пана іздейтіндігі туралы куәлік;

5) оралман – оралмандығы туралы жеке куәлік.

Оқуға түсушілердің өтініші білім беру ұйымының арнайы тіркеу журналына тіркеледі.

Кешенді тестілеудің сертификатын (биыл кешенді тестілеуді тапсырған, өткен жылдардың түлектері) және ҰБТ сертификатын (ұлттық бірыңғай тестке қатысқан, биылғы жылдың түлектері) тапсырса, осы Ереженің 13 бөлімінде көрсетілген талаптарына сәйкес емтихан тапсырмай байқауға бірден жіберіледі.

9.Техникалық және кәсіптік білімнің оқу бағдарламасын жүзеге асыратын ұйымға түсу үшін тапсыратын емтихандар тізімі төмендегідей:

1) жалпы отра білі бар талапкерлер үш пәннен тапсырады (қазақ тілі немес орыс тілі, Қазақстан тарихы және мамандық бейіні бойынша пән);

2) негізгі орта білім – негізгі орта білімнің оқу бағдарламасында өтілген пәндердің ішінен екі пәннен тапсырады (қазақ тілі немесе орыс тілі, мамандық бейіні бойынша пән);

3) таңдаған пәнге техникалық және кәсіптік біліміндегі, орта білімнен кейінгі  мамандығы сәйкес келмесе мамандық бейіні бойынша пәннен тапсырады;

4) таңдаған пәнге техникалық және кәсіптік біліміндегі, орта білімнен кейінгі  мамандығы сәйкес келсе оқуға қабылдау тек әңгімелесу түрінде өтеді.

Оқуға түсу үшін тапсыратын емтихан талапкердің таңдайы бойынша қазақ немесе орыс тілдерінде өтеді.

Техникалық және кәсіптік білім беретін ұйымның таңдалған мамандыққа бейін пәндерге қатысты жалпы пәндердің тізімі осы Ережеге тіркелген қосымшаға сәйкес анықталады.

Арнайы пәндер емтиханынан «қанағаттанарлықсыз» деген бағаны алған немесе себепсіз емтиханға келмеген азаматтар келесі емтихандарға жіберілмейді.

Негізгі орта және жалпы орта білімі бар талапкерлер үшін тапсыратын емтихан түрін 10 бөлімге (тестілеу немесе пәндер бойынша емтихандар) сәйкес білім бері ұйымы белгілейді.

10.Техникалық және кәсіптік білім берудің оқу бағдарламасын жүзеге асыратын ұйымға қабылдау үшін өткізілетін емтихандар күндізгі оқу бөлімін 1 тамыздан 28 тамызға дейін, ал сырттай бөлім үшін 1 тамыздан 25 қыркүйекке дейінгі аралықты қамтиды.

Техникалық және кәсіптік білім берудің оқу бағдарламасын жүзеге асыруда бұқаралық кәсіптер мен неғұрлым күрделі (аралас) кәсіптер бойынша кадрларды дайындайтын мамандыққа 1 тамыз бен 28 тамыз аралығында әңгімелесу жүргізіледі.

Оқуға түсу үшін тапсыратын емтихандар төмендегідей форматта өтеді:

1) әр пәннен 25 сұрақтан тұратын тестілеу түрінде; әрбір дұрыс жауапқа 1 балл есептеледі; үш пәннен тест тапсырса 2 сағат 15 минут, екі пәнге 1 сағат 30 минут уақыт беріледі; тесттің дұрыс жауаптары тест біте салысымен ілінеді; тестілеудің нәтижесі тапсырған күні хабарланады;

2) Пәндер бойынша емтихан тапсыру; «3», «4», «5» алған бағаларды қабылдау комиссиясы келесідей шкала бойынша баллға ауыстырады: «3» – 8 балл, «4» – 17 балл, «5» – 25 балл.

11.Жалпыға бірдей қойылған талаптардың сақталуы үшін және тест тапсырмаларының нәтижесі бойынша келіспеушілік болған жағдайда мәселелерді шешу, оқуға түсушілердің құқығын қорғау мақсатында білім беру ұйымы аппеляциялық комиссия құрады.

Аппеляциялық комиссияның құрамына төраға, хатшы мен комиссия мүшелері кіреді.

Оқуға түсуші тест нәтижесімен келіспеген жағдайда аппеляцияға өтініш білдіруіне болады.

Аппеляцияға өтініш тест нәтижесі хабарланғаннан кейінгі күннің 13:00 сағатқа дейін қабылданады, және аппеляциялық комиссия өтініш берушімен бірге бір күн көлемінде қарастырады.

Аппеляциялық комиссияның шешімі құрамның барлық қатысушыларының дауыс беруінің нәтижесінде шығады. Екі жақ дауыс берушілерінің дауыс саны тең болған жағдайда төраға дауыс бере алады. Комиссияның жұмысына хаттама толтырылады және оған төраға мен комиссияның басқа мүшелері қол қояды.

12.Оқуға түсу үшін пәндер бойынша тапсырылған тесттер қайта тапсырылмайды.

III. Азаматтарды оқуға қабылдау тәртібі

13.Білім беру ұйымына оқуға қабылдау байқау негізіне тапсырған өтініштер арқылы жүзеге асады.

Байқау білім туралы құжаттағы (аттестат) орта балл, білім беру ұйымы ұйымдастырған емтихан, тест, кешенді тестілеу, әңгімлесу нәтижелерінің баллдарының негізінде өтеді.

Оқуға осы Ереженің 10 бөліміне сәйкес ҰБТ сертификаты мен кешенді тестілеуде көрсетілген үш пәннен жинаға баллдың негізінде қабылданады.

Білім алушылар қатарына қабылдау үшін өтетін байқауға мынадай азамттар жіберілмейді:

  • Жалпы білімі бар талапкерлермен өткен әңгімелесуде 60 баллдан төмен жинағандар.
  • Негізгі орта білімі барлар үшін екі пәннен 16 баллдан төмен жинағандар;
  • Жалпы орта білімі барлар үшін үш пәннен 24 баллдан төмен жинағандар;

Байқау шарты білім алу құқығын сақтауға және техникалық және кәсіптік білім беру бағдарламасын меңгеруге негізделу керек.  Техникалық және кәсіптік білім беру бағдарламасы бойынша білі алушылар құрамына қабылданатындар мен орта мамандарды дайындауға кіретіндер төмендегідей жүргізіледі:

  • күндізгі оқу бөліміне – 25 тамыздан 30 тамызға дейін;
  • сырттай оқу бөліміне – 15 қыркүйектен 30 қыркүйекке дейін.

Техникалық және кәсіптік білім берудің оқу бағдарламасын оқытатын ұйымға бұқаралық және неғұрлым күрделі мамандық бойынша кадрларды дайындауға қабылдау 25 тамыз мен 30 тамыз аралығында орта білімі туралы құжаттағы бағасына, жинаған баллына қарай және әңгімелесу нәтижесіне байланысты жүзеге асады.

Қабылдауға көрсеткіштері бірдей болған жетім балалар, ата-анасының қамқорынсыз қалған балалар, І, ІІ топ мүгедектері, кіші кезінен мүгедектер таңдалған мамандығы денсаулығына зиян келтірмейтін болса және білім туралы құжаты (куәлік, аттестат) үздік болса құқығы басым болады.

14.Колледж білім алушылары қатарына қабылдау байқаумен қабылдау комиссиясының ашық мәжілісінде жеке мамандықтары, оқыту тілдері бойынша жүргізіледі.

Қабылдау комиссиясының оқуға қабылдау туралы хаттамасы толтырылады. Сонымен қатар білім алушылар қатарына қабылдау туралы барлық құжаттамаларды рәсімдей 2017 жылдың 30 тамызында аяқталады.

15.Колледжге қабылданбаған азаматтардың құжаттары қабылдау комиссиясының шешімі шыққан кейін бес күннен кешіктірілмей қайтарылады.

16.Колледжге қабылдау жөніндегі барлық сұрақтар қабылдау комиссияның төрағасы бекіткен комиссия арқылы шешіледі.

17.Қабылдаудың осы Ережесінде кесімделмеген мәселелерді қабылдау комиссиясы өз бетінше шешеді.

18.Колледжге студенттер қатарына қабылдау туралы бұйрық қабылдау комиссиясының шешімінің негізінде шығады.